Euro U21 final-ah Portugal vs Germany

UEFA European Under 21 Championship Final chu Pathianni zan dar 12:30 hian Germany leh Portugal ten Slovenia khawpui Ljubljana-ah an khel dawn.

Germany hian final lut turin Netherlands-in 2-1 in an hneh a, Die Mannschaft tan hian Florian Wirtz-a'n inkhelh ṭan aṭanga minute 10 chhung lekin goal hnih a khung.

Bayer Leverkusen forward Wirtz hian hattrick siamna hun ṭha bawhpelh mah se inkhelh zawha hming langsar ber a ni. German forward Wirtz hi kum 18 mi lek a ni a, season liam ta Bundesliga-ah match 29 khelin goal nga a khung.

Portugal-in champion lai Spain 1-0 in an hneh a, La Roja hian inkhel thunun zawk mah se an vanduai. Spain defender Jorge Cuenca-a'n minute 80-naah an lamah a ti lut a, semifinal-ah an lungawi a ṭul.

Germany hian a zawnin vawi thum final an lut a, Portugal-in kum 2015-a final an luh hnuah nomawi chawina hun ṭha an nei leh chiah bawk.