Ibra-a'n Donnarumma a dah sang

AC Milan striker Zlatan Ibrahimovic chuan club tana a khelhpui keeper Gianluigi Donnarumma chu a dah sang takzet a, Milan legend a nih theih thu a sawi.

Kum 39 mi Ibra chuan, "Donnarumma hi free agent a ni maw? Mi ring rawh u, khawvela goalkeeper ṭha ber a ni. Milan-ah hian a cham a nih chuan Paolo Maldini tluk zeta dah san a ni ang," tiin a sawi.

Kum 22 mi Donna-rumma hi Europe club lian hoin an ngaihven a, French champion PSG nen pawh sawi zawm a ni. Chutihrualin Milan pawhin player thar an nei hnai a, Chelsea aṭangin Olivier Giroud-a'n a zawm a rinawm.

Milan striker Ibra chuan, "Olivier Giroud-a'n Milan a zawm chuan ka lawm khawp ang. Team chakpui thei player hi kan mamawh a ni," tiin a sawi.