Wimbledon khel lo tur Wawrinka

Grand Slam vawi thum champion tawh Stan Wawrinka chu Wimbledon-ah kan hmu thei dawn lo. Swiss player hi a kephah hliam vangin a chawl mek a, tun thla tawpa inelna neih turah hian a inlan hman dawn lo a ni.

Kum 36 mi Wawrinka hliam hi kumin tir lam khan zai a ni a, March thla a khelh Qatar Open-ah a inlan zeuh hnuah match pangngai a la khel leh miah lo - Wimbledon hi beisei viau mah se tum angin a awm thei ta lo.

World number 3 pawh ni tawh Wawrinka hi Roger Federer leh Rafael Nadal te nen an hun tawn a inrual avangin a lar tur angin a lar tawh lo. Mahse, Australian Open, French Open leh US Open title a la vek a, grass court inelna lianah hian quarterfinal a thleng tawh bawk.