Iga Swiatek a la kaltluang

Player langsar an chak lo a, a ṭhenkhat an inhnukdawk bawk. Tleirawl duhawm Iga Swiatek tan erawh buaina tur a la awm lo - French Open champion lai hian Anett Kontaveit chu 7-6 (7-4), 6-0 a hnehin last 16 a inhlangkai.

Inelna neih laiah Swiatek, seeded palina Sofia Kenin leh Serena Williams te chu ranking sang zual 10 zinga dam awmchhun an ni tawh a, tleirawl boruak nei lian Coco Gauff a la dam bawk.

Ashleigh Barty, Naomi Osaka, Karolina Pliskova, Aryna Sabalenka, Belinda Bencic leh Bianca Andreescu te chu Roland Garros aṭang hian an zinkawng a lo tawp vek tawh a ni.

Kum 20 mi Swiatek hian nikum khan intih phur nan Guns N' Roses hla 'Welcome to the Jungle' a ngaithla nawn tlut tlut ṭhin, kuminah erawh English Rock band pakhat Led Zeppelin zai a ngaithla thung.

Polish nula Swiatek chuan, "Band a hran, mahse hla kalphung erawh a la ngai reng. Music hian phurna nasa tak min pe thei a, rilru nguai deuh taka awm lai pawhin chakna min pe thei," tiin a sawi.