Chong-a'n contract a ziak

Manchester United rawlthar Tahith Chong chu season tawp ruala a contract a tawp dawn avangin club lian dang Inter Milan hming thlengin lam ri hman mah se Dutch winger hian Old Trafford-a cham a thlang.

Kum 20 mi Chong hian season khata contract pawtseiin nakkum June thleng daih contract a ziak a, kar khatah £30,000 hlawh tura ngaih a ni. Chong hian United academy tana chawimawina Jimmy Murphy Young Player of the Year chu kum 2018 khan a la tawh a, tun season-ah Ole Gunnar Solskjaer hnuaiah match 10 a inlan tawh bawk.

Tahith Chong chuan, "He lai hmuna hun rei zawk cham thei tura ka theihna pholanna hun remchang ka nei hi ka lawm," tiin a sawi. Netherlands Under-21 international hian kum 2016 khan United academy a zawm a, senior team tan match 14-ah a inlan tawh a ni.