Argentina-in Copa khel dawn chiang

Copa America khel turin Argentina chu Brazil ramah an zin ngei dawn, hri leng kara inelna an hmachhawn tur hi Argentina Football Association (AFA) chuan an puang chiang tawh a ni.

Coronavirus vangin Argentina leh Colombia ten Copa hi an thleng thei lo, chawpchilh takin Brazil-ah an nghat leh hnuhnawh. Ram ṭhenkhat leh player ṭhenkhat chuan hri leng vangin inelna hmachhawn hi an huphurh.

Thuchhuah siamin AFA chuan, "Hri leng laka team an him theih nan theihtawpa hmalak a ni ang," an ti a, coach Lionel Scaloni chuan harsatna karah pawh inelna chu a ṭha thei ang bera hmachhawn an tum thu a sawi ve bawk.

South America ramte hian Nilaini zingah World Cup qualifier an la khel dawn. June 14, Thawhṭanni aṭangin Copa America an khel zui leh nghal ang, chawpchilh takin inelna an hmachawn dawn tihna a ni.