Alfie Hewett a champion

Tennis inelna lian Grand Slam chinah chuan 'vohbik' tan inelna buatsaih tel a ni ṭhin. Mipa singles wheelchair hmanga inelna huangah Alfie Hewett chuan Shingo Kunieda chu 6-3, 6-4 a hnehin a champion.

Kum 23 mi Hewett tan major title pangana a ni nghal a, tun season kal lai bikah a title pahnihna a ni a. Pathianni khan a ṭanpui Gordon Reid nen doubles huangah hlawhtlinna an lo chang tawh bawk a ni.

Britain tlangval Hewett hian semifinal-ah harsa takin Gustavo Fernandez chu 1-6, 7-5, 7-6 (8-6) in a hneh, set hnuhnung leh pawimawh berah hian 5-1 zeta a hniam hnuah ropui takin a lehthal.

Hewett chuan, "Gustavo nen match hautak leh ropui kan inkhel a, ka match khelh tawhah chuan a ropui ber a la ni. Semifinal kha a ropui ka ti a, chutih rualin final pawh hi a nep chuang lo, inelna nuam leh hlimawm tak a ni," a ti.