Van de Beek-a'n Euro khel dawn lo

Manchester United midfielder Donny van de Beek chuan inhliam vangin Euro 2020-ah Netherlands tan a inlan thei dawn lo.

Kum 24 mi Van de Beek hi June 2-a Scotland nen 2-2 a an inhnehtawk vangin hliam vangin bench-ah a awm a, June 6-a Georgia 3-0 a an hneh ṭumin squad-ah dah a ni lo.

Van de Beek inhliam dan tak hi tarlan a ni lo a, Thawhṭanni kha chuan defender Matthijs de Ligt nen training a hranin an nei.

Nimin khan Dutch Football Association chuan, "Donny van de Beek-a'n European championship a khel thei dawn lo. Midfielder hian hliam vangin harsatna a nei a, Euro 2020-ah chhawr theih a ni dawn lo. Frank de Boer-a'n a thlakna tur player a la lo ang," tiin thuchhuah an siam.

Nikum nipui transfer-ah khan Van De Beek hian Ajax aṭangin Manchester United a zawm a, khelhna hmun a chang pha meuh lo. Dutch midfielder hi league-ah vawi 19 chiah a inlan a ni.

Netherlands hi group C-ah Ukraine, Austria leh North Macedonia nen an awm ho a, group match zawng zawng hi Amsterdam-ah an khelh dawn avangin last 16 lut turin an dinhmun a ṭha hle.