Silverstone-ah sorkarin intlansiak a phal

United Kingdom sorkar chuan Silverstone tlankawngah MotoGP inelna pahnih thlen a phalsak a, tunlai hripui leng Covid-19 vangin a hmuna entu erawh an awm thei lo ang.

Tun dinhmuna UK ram inkaihhruai danah chuan, an ram mi ni lo ram dang aṭanga zin luttte chu ni 14 chhung khung hran hmasak tur an ni. He dan hi F1 team lam chuan zawm harsa an ti a, infiamna huang bikah ngaihhnathiamna an ngen.

Sorkarin an ngenna a pawmsak a, ni 14 inkhung hran kher ngai loin intlansiak an hmachhawn theih phah dawn. F1 thuneitu lamin an ruahmanna kimchang chu sorkar hnenah an thlen anga, an la endik nawn leh ang.

F1 thupuangtu chuan, "UK-ah June thla aṭangin infiamna kalpui leh theih a ni tawh dawn a, car intlansiakna sang ber pawh July thlaah neih theih turin phalna kan hmu, inkaihhruaina dan leh hrai chu sorkar lamin a pawmpui tura chhawp chhuah leh a ni ang," a ti.

Formula 1 hi July thla hian tun season atana a hmasa ber turin Austra Grand Prix an tlan dawn, sorkar leh inelna buatsaihtu lamin an remti tawh. Inelna dang erawh an neih hun tur chiang taka tih fel theih a la ni lo thung. World championship pangngai nei tur chuan intlansiak pariat tal an neih a ngai ang.