76ers leh Atlanta inkhel tawk

NBA Eastern Confe-rence semifinal khelh laiah Philadelphia 76ers chuan nimin zing khan hnehna a chang. 76ers hi Atlanta Hawks lakah 118-102 in an chak a, best of seven series-ah team pahnih 1-1 in an inhnehtawk chiah.

NBA Most Valuable Player thlanna a pahnihna Joel Embiid-a'n point 40 zet a nei a, playoff chian a point neih hnem ber ṭum tawngin Philadelphia 76ers chak theih nan a thawh hlawk hle.

June 12, Inrinni zing dar 5:00-ah team pahnih ten game 3 an khel chhunzawm leh dawn. Conference final lut turin vawi li chak tlin a ngai a, team pahnih ten match hnih an khelh tawh dan thlir chuan tlang turin kawngka hawnsak ve ve a ni.

Nimin zing khan Western Conference lama seeded pakhatna Utah Jazz chuan conference semifinal an khel ṭan ve chiah a, an khingpui Los Angeles Clippers lakah 112-109 a hnehna changin game 1 an la.

Rinkai lo zawk Clippers la hian chawlhlawk laiin 60-47 zetin hma an hruai fal thei. Mahse, inkhel chawhnu lamah team ṭha zawk an lang, Jazz hian point 65 an hmuh belh lain LA lamin point 45 bak an neih belh lo.