Czech Republic an chak chiang

Euro 2020 khel tur inbuatsaih nana an match hnuhnung berah Czech Republic an chak chiang a, Albania chu 3-1 in an hneh - phur takin Euro khelh tur an thlir thei ang.

Bayer Leverkusen forward Patrik Schick chuan minute 18-na lekah goal hmahruai a khung a, Euro khel lo tur Albania-in first half tawp nan minute thum a la awm tihin Sokol Cikalleshi hmangin an chhanglet.

Mahse, second half-ah Czech hian Slavia Prague player pahnih Lukas Masopust leh Ondrej Celustka hmangin an chhanglet a, inkhel a tawp meuh chuan 3-1 in an chak.

Czech Republic hi Euro hmaa an friendly match hmasa zawkah Italy chuan 4-0 in an sawp a, match hnihnaa 3-1 a Albania sawp hian inrintawkna a pe ang.

Euro 2020-ah Czech ram hi group D-ah Scotland, Croatia leh England-te nen an awm ho a, June 13 zanah Scotland nen an match hmasa ber an khel dawn - Scotland hi October leh September-ah khan Nations League-ah an lo ngam lo tawh.