Hungary-in goal an khung lo

Euro 2020-a group ngainatawm lo bera chhal group F-ah Hungary-in Portugal, Germany leh France an awmpui a, last 16 lut tur chuan thil mak an mamawh dawn.

Thil mak thlen hmaa Hungary tih tur hmasa chu team zuamawm lo tak din a ni a, mahse, tun hmaa football ram langsar ni ṭhin hian Euro khel phak lo

Republic of Ireland lakah goal an khung thei tlat lo.

Hungary hian Liverpool third choice keeper Caoimhin Kelleher an paltlang thei lo a, Adam Szalai leh Attila Szalai-ten bench aṭanga luhtir Kelleher hi second half-ah an paltlang thei lo a, 0-0 in inkhel a tawp phah.

Season hman zawh taka Liverpool tana match nga khel ve Kelleher hian minute 45-naah keeper Gavin Bazunu a thlak a, Mainz 05 striker Ádám Szalai ball tauh chu ṭha zetin a dang - Hungary-in corner an hmu zui a, mahse, defender Attila Szalai pet ṭha tak chu Kelleher hian a dang leh a ni.

Adam Szalai hian first half-ah Gavin Bazunu chu a enchhin bawk a, mahse, a vanneih zan a ni lo - Ireland-in hun ṭha nei lo an bik lo. Captain John Egan chuan bar a tauh per a, Adam Idah chuan a chance duhawm a hlah bawk.

Hungary tan hian minute 63-naah keeper Adam Bogdan chu luhtir ve a ni bawk a, kum 33 mi keeper hian Liverpool-ah season hnih chu hun a lo hmang tawh - match ruk chiah a khelhsak thung.