Japanese MotoGP awm dawn lo

Japan chuan kum 1986 hnua a vawi khat nan kumin hian MotoGP a thleng dawn lo, inelna buatsaihtu lam chuan intlansiak an thlen theih loh tur chhan chu coronavirus vangin a nih thu an sawi.

Season tira an ruahman dan chuan Japanese Grand Prix hi October 16-18 hian Twin Ring Motegi-ah tlan tur a ni a, hripui leng mah se hun rei tak chhung chu an kaltlang pui theih beisei a ni - mahse a tawpah erawh an tum a hlawhtling ta lo.

Tun hnaiah Phillip Island-a tlan tur Australian MotoGP chu ṭhulh a lo ni tawh bawk, bike intlansiakna sang ber hi March thlatir khan ṭan tur ni mah se tun thengin an la tlan lo; July thla hian Spain-ah tlan theih ngei an beisei.

Japan hi Honda inkulhna hmunpui a ni a, team dang Yamaha leh Suzuki te pawh an inbengbel ṭha hle; 2020 calendar siam sa aṭanga chhutin intlansiak an ṭhulh parukna chiah a ni, ram dang pawh ṭhulh thei dinhmuna ding an la awm.