Boxer lar Dingko Singh a thi

Indian boxer Ngangom Dinko Singh chu nimin khan cancer vangin kum 42 mi niin a thi. Dingko Singh hian 1998 Asian Games-ah khan bantamweight category-ah gold medal a la a, hei hi a thlen san lai ber a ni.

Dingko Singh hi January 1, 1979 khan Manipur thingtlang khua Sekta-ah a piang a, kum 10 lek a nihin Ambala-a neih Sub Junior National Boxing Championship 1989-ah gold medal a la tawh.

India aiawha a feh chhuah ṭan chu kum 1997 aṭangin a ni a, Bangkok-a neih King's Cup-ah pakhatna a ni. Kum khat hnuah Bangkok-ah hian Asian Games neih a ni a, Dingko Singh hian gold medal a la a, 2000 Summer Olympics-ah India aiawhin a feh chhuak leh bawk.

Manipur boxer hian nikum khan Covid-19 a vei a, a thihpui erawh thin (liver) cancer a ni a, kum 2017-a khan cancer a vei tih hmuhchhuah a ni.