Gareth Bale hoin Wales an inlan dawn

Euro 2016 semifinal an luh hnuah Wales-in an ram chanchina a vawi khat nan a zawnin Euro an khel dawn a, zanin dar 6:30-ah Switzerland nen an zinkawng an zawh ṭan ang.

Wales squad-ah Euro 2016-a semifinal lut aṭangin player pariat chiah an awm tawh a, a thiam pali zinga tel tura an zin kawnga player pawimawh Gareth Bale, Aaron Ramsey leh Joe Allen ten tun hma an pha tawh lo bawk.

Chutihrual chuan Wales hi dah hniam an harsa - Euro qualfier-ah khan group E-ah Croatia, Slovakia, Hungary leh Azerbaijan nen an awm ho a, Croatia chiah tluk lo chungin Euro khel turin an inpetkai.

Bale-a'n chuai lam a pan tawh ti mah ila, a dam ṭhata danglamna a thlen theihzia chu Tottenham Hotspur-a season tawp lamah kan hmu a, Ramsey pawh a khelh ṭhat ni chuan inkhel thlak danglam thei player a la ni reng a, Manchester United winger Daniel James-a awm ta bawk.

Chutihrualin Switzerland hi dah hniam an rem lo - midfield-a khel turin Borussia Gladbach player Denis Zakaria, Eintracht Frankfurt midfielder Steven Zuber, Arsenal midfielder Granit Xhaka leh Liverpool midfielder Xherdan Shaqiri an nei a, an ṭha ṭhe ṭhaw hle.

Tlarhnungah tawnhriat nei ṭha, Newcastle United centre back Fabian Schär, Torino centre back Ricardo Rodríguez-te ho an awm a, Bale leh a ṭhiante tan hna a hautak dawn tihna a ni.

Hriat tel tur chu Switzerland hian match ruk chu a zawnin hnehna an chang tawh a, Euro inbuatsaihna friendly match hnih an khelhah chak nei lo Wales tan zuam chi an ni lo ang.

Group A-ah hian nizan khan Italy leh Turkey an inkhel a, result kan hre hman lo - team an intiat tawk a, Wales leh Switzerland tan match hmasa bera chak nghal hi a pawimawh dawn.