COVID-19: Mizoram dinhmun : Hripui vei 210 hmuh belh a ni

June 10, Ningani khan Mizoramah Covid-19 vei mi 210 hmuh chhuah a ni a, June thlaah mi 2,356 hmuh chhuah a ni tawh. Nimin khan tlai dar 5 thlengin hripui laka fihlim tawh mi 200 chhuahtir an ni.

Covid-19 vei hmuh tharte chu mipa 101 leh hmeichhia 109 niin, Aizawla veng 32 leh khaw dang 17-a mite an ni a; ZMC laboratory-a hmuh chhuah 18, TrueNAT-PCR hmanga hmuh 19 leh RAT hmanga hmuh 173 an ni. June thla ni 10 chhungin hripui vei mi 2,356 hmuh a ni tawh a, chawhrualin ni tin mi 235 vel hmuh belh ziah ang a ni.

Ningania hmuh thar 210 zingah naupang kum tling lo 50 chuang an awm a, a tam zawkin symptom an nei a, nausen kum khat tling lo pahnih an tel. Kum 60 chung lam 12 aia tlem lo awmin, a tam zawkin symptom an nei a, a upa ber chu kum 88 mi a ni.

Mizoramah Covid-19 vei mi 14,743 hmuh chhuah a ni tawh a, mipa 8,636 leh hmeichhia 6,107 an ni. Nimin tlai dar 5:00 thleng khan mi 11,304 (76.67%) chhuahtir an ni tawh a, mi 61 (0.41%) thi tawhin, enkawl mek mi 3,378 (22.92%) an awm.

June 10, Ningania swab sample endik dan chu - ZMC laboratory-ah 948, TrueNAT hmangin district pariatah 235 leh RAT hmangin district 11-ah 2,398 a ni a, a vaiin sample 3,581 (mipa 2,424 leh hmeichhia 1,157) niin, chu'ng aṭanga hripui vei hmuh chhuah 210 chu 5.86% a tling. Positive percentage hi mipaah 4.17 leh hmeichhiaah 9.42 a ni.

Nilainia district-a Covid-19 positive hmuh dan chu - Aizawlah 144, Lungleiah 35, Lawngtlaiah 16, Kolasib-ah 10, Champhai leh Mamitah pahnih ve ve leh Siahaah pakhat a ni. IDSP tarlan danin, mi 210-te chu Covid-19 symptom nei 136 leh nei lo 74 an ni. Mi 202 chu Mizorama kái chhâwng an ni a, tun hnaia state páwn aṭanga rawn mi pariat an awm. Hri kàina chin hriat loh mi 78 an awm bawk.

ZMC-a hmuh chhuah mi 18-te chu tualchhunga kai, kaina chin hriat vek an ni a, symptom nei 10 an awm. TrueNAT hmanga hmuh mi 19-te chu symptom nei lo vek an ni a, tualchhunga kái 17 leh state páwn aṭanga lut pahnih an ni.

RAT hmanga hmuh chhuah mi 173-te chu symptom nei 126 leh nei lo 47 an ni a; tualchhunga kái 168 leh state páwn aṭanga lut panga an ni. Tualchhunga kái zingah kàina chin hriat loh mi 78 an awm. Nimin khan tlai dar 5 thlengin hripui laka fihlim tawh mi 200 chhuahtir an ni a; Aizawl district-ah mi 103, Lunglei district-ah 36, Lawngtlai district-ah 28, Kolasib district-ah 18, Mamit leh Khawzawl district-ah panga ve ve, Serchhip district-ah pali leh Champhai district-ah pakhat an chhuak a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,437 hmuh chhuah a ni tawh a, TrueNAT-PCR hmangin 1,140 leh RAT hmangin 8,165 hmuh chhuah a ni tawh.

June 10, 2021 thlengin Mizoramah swab sample 4,24,717 a ni tawh a, chu'ng aṭanga Covid-19 positive hmuh tawh zat 14,743 chu 3.47% a ni. Hripui vei hmuh tawh zinga mi 11,057 chu Mizoram chhunga kái chhâwng an ni a, mi 3,686 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 2
Armed Veng 2
Bawngkawn 4
Bethlehem Veng 3
Bungkawn Vengthar 1
Central Jail 1
Chaltlang 1
Chanmari 2
Chawnpui 4
Chhinga Veng 11
College Veng 1
Dawrpui 2
Dawrpui Vengthar 1
Dinthar Veng 16
Edenthar Veng 5
Electric Veng 20
ITI Veng 4
Kanan Veng 6
Maubawk 1
Muanna Veng 2
Ramhlun Vengthar 2
Ramthar Veng 3
Rangvamual 2
SAI CCC Security 2
Saron Veng 5
Seventh Day Tlang 1
Tuikual South 2
Tuithiang Veng 4
Ṭhuampui 4
Venghlui 4
Zemabawk 6
Zuangtui 2
Sairang Dinthar 15
Sihphir 2

LUNGLEI DISTRICT
Lunglei Bazar Veng 1
Lunglei Chanmari 12
Lunglei Electric Veng 15
Lunglei Venglai 4
Samuksuri 2

SIAHA DISTRICT
New Siaha West 1

CHAMPHAI DISTRICT
Champhai Vengthar 2

KOLASIB DISTRICT
Bairabi 2
Bilkhawthlir 1
Kolasib Hmarveng 1
Kolasib Tuiṭha Veng 1
Saiphai 2
Vairengte 2
Uttar Pradesh 1

SERCHHIP DISTRICT
Chhingchhip 1
Serchhip 1

LAWNGTLAI DISTRICT
Chawngte 16
(Kamalanagar)

MAMIT DISTRICT
Luimawi (Kanhmun) 1
Manikbond, Assam 1