Spinazzola a la tlan chak ber

Europe khawpui 11-ah Euro 2020 khelh chhoh mek a ni a, inkhel a hmuhnawm ṭhin hle. Match 10 khelh tawh aṭanga tlan chak ber chu Italy defender Leonardo Spinazzola a ni a, AS Roma full back hi Turkey nen match hmasa bera an inkhelh ṭum khan a tlan chak lai berin 33.8 km/hr in a tlan.

Spinazzola dawta tlan chak leh ber chu Wales winger Daniel James a ni a, Manchester United winger hian Switzerland nen an inkhelh ṭumin 33.5 km/hr-a tlan ṭum a nei a, Croatia laka England chakna goal khungtu Raheem Sterling pawhin a tlan chak lai berin 33.1 km/hr a hawlh bawk.