Greenpeace paraglider vangin hliam awm

France leh Germany te inkhelh hmain Greenpeace paraglider chu Allianz Arena-ah a rawn ṭum lut a, entu zinga mi ṭhenkhat damdawi ina kalpui ngai an awm phah.

UEFA chuan, "An chet dan hian pawisak a nei lo a, a hlauhawm bawk avangin hremna kan lekkawh ang," tiin a sawi.

Paraglider hian France coach Didier Deschamps a su teuh viau a, ani erawh a him hlauh. Parachute-ah hian 'Kick Out Oil" leh 'Greenpeace" tih a inziak a, entu zingah hliam an awm avangin Greenpeace hian ngaihdam an dil.

Greenpeace hian tun hma pawhin Euro 2020 sponsor-tu zinga mi Russian company Gazprom lakah lungawi lohna an lantir tawh a ni.