Euro 2020 thlirna tawi : Goal khung tamte

Euro 2020-a tel team 24-in match khat ṭheuh an khel chhuak ta a, player pathum Cristiano Ronaldo, Romelu Lukaku leh Patrick Schick ten goal hnih ṭheuh an khung.

Portugal captain Ronaldo hian penatly hmanga a khung bakah a ke vei lamin a khung tel. Belgium striker Romelu Lukaku hian a ke ding leh veiin goal a khung. Manchester United forward hlui pahnih hian box chhung aṭangin goal an khung a, goal hnih khung dang Czech forward Patrick Schick hian box pawn aṭangin ṭum khat a khung.

Kum 25 mi Schick hian a ke vei lamin halfway line bul aṭangin mawi zetin Scotland lamah a khung a, a lu hmangin a tauh goal leh bawk.