Ni 23 hnu lekah Gattuso a chhuak

Gennaro Gattuso chuan Fiorentina a zawm aṭanga ni 23 hnu lekah Serie A club hi a chhuahsan. Italian manager a chhuah chhan hi chiang taka tarlan ni lo mah se club neitu lam nen player lei chungchangah an thu a inhmuh loh vang niin a lang.

Kum 43 mi Gattuso hian season hmasa kha chuan Napoli a enkawl, a club hmasa nen an inṭhen aṭanga darkar 48 a liam hmain Fiorentina hi a zawm. Mahse a club thar nen hian kar thum bak an thawk dun hman ta lo.

Fiorentina chuan thu chhuah siamin, "Fiorentina leh coach Rino Gattuso te chu season thar lo awm turah kan thawkdun dawn lo," an ti a, an manager thlaktu tur erawh an la tarlang tel lo a ni.

Italian media lamin an tarlan dan chuan - Leicester City leh Chelsea manager hlui Claudio Ranieri, Juventus coach hlui Andrea Pirlo leh Rudi Garcia te chu Fiorentina enkawl thei zinga sawi rik an ni.