Ruahsurin WTC a tibuai

Nimin khan ICC World Test Championship final hmasa ber khelh ṭan tur a ni a, ruahsur vangin a khaihlak. Nomawi inchuhna inhmachhawn te hi New Zealand leh India te an ni a, inelna neihna hmun hi Ageas Bowl, Southampton a ni.

Ni khatna chhun chaw ei hma zawng chu ruahsur vangin he thuziah lai hian khelh a nih loh tur thu an ti chiang hman. Southampton khaw awm dan vangin final khelh tur hmalam hun a chiang lo hle.

Test match hi nga chhunga khelh tur a ni a, khawchin thlirnaa a lan danin ni nga chhung hian ruah a sur vek dawn. An inkhel thei a nih pawhin ruahsur hian nasa takin inkhelh dan khalhmang a danglam ngei ang.