US Open entu an tam dawn

Tennis inelna lian Grand Slam pali zinga a hnuhnung ber US Open chu stadium khatin a hmunah entu an awm thei dawn a, inelna tir aṭanga a tawp thlengin hri leng vanga inkharkhipna a awm dawn lo tihna a ni.

US Tennis Association chuan a hmuna entu awm theih tur thu hi an puang tawh a, July thla aṭang chuan ticket pawh hralh ṭan a ni tawh ang. Tennis thuneitu bakah sorkar lamin ruahmanna hi an siam fel tawh.

Season hmasa khan hrileng vangin US Open hi a kalphung an thlak nasa hle a, player langsar ṭhenkhat pawh an inlan lo hial; mi tlemte chauhin a hmunah pawh an en thei, kuminah erawh chanchin lawmawm an nei ta.

Hri len hma inelna an neih hnuhnung ber, kum 2019 khan US Open hi mi 700,000 zetin an a hmunah an en. Kuminah hian August 30 aṭanga September 12 chhungin Flushing Meadows, New York-ah an khel leh ang.