Barca-in Depay an la

Inrinni khan Barcelona-in Ligue 1 club Lyon aṭangin Memphis Depay an lakluh thu an puang. Manchester United forward hlui Depay hian kum hnih chhung atan contract a ziak.

Catalan club hian free transfer-in Depay an lalut a, Dutch forward hma hian Sergio Aguero leh Eric Garcia te chu free transfer bawkin an lalut tawh.

Kum 27 mi Depay hian Netherlands tan Euro 2020 a khel mek a, Ningani zana Austria 2-0 a an hneh ṭumin penalty aṭangin goal hmahruai a khung.

Season liam ta khan Lyon tan goal 22 a khung a, Depay hian season nga chhungin Ligue 1 club tan match 178 khelin goal 76 a khung.

Barcelona hi Dutch manager Ronald Koeman enkawl a ni a, Depay hma hian Netherlands captain Georginio Wijnaldum lak tum mah se Dutch midfielder hian PSG pan a thlang zawk.