Euro 2020-ah penalty an hlah nasa

Spain forward Gerard Moreno-a'n Poland nena an inkhelh ṭumin penalty a hlah. Inrinni zan thleng khan Euro 2020-ah penalty vawi sarih awm tawhin player pangain penalty an hlah tawh a, Cristiano Ronaldo leh Memphis Depay te chauhin an la khung.

Denmark midfielder Pierre-Emile Hojbjerg chuan Finland nen an inkhelh ṭumin a hlah a, keeper Lucas Hradecky-a'n a dansak avangin 1-0 in an chak lo.

Portugal captain Cristiano Ronaldo erawhin Hungary nen an inkhelh ṭumin penalty aṭangin goal pawimawh a khung a, 3-0 in an chak.

Wales captain Gareth Bale-a'n Real Madrid tana a khelhpui ṭhin Ronaldo hnung a zui thei lo a, Turkey lakah a pet over luah. Amaherawhchu Wales hian 2-0 in hnehna an chang tho.

North Macedonia defender Ezgjan Alioski-a penalty pet chu Ukraine keeper Georgiy Bushchan-a'n a dansak a, Leeds United defender hian a per hi a khung leh tho. He inkhelah hian Ukraine player Ruslan Malinovskyi-a'n penalty pet chu Macedonia keeper Stole Dimitrievski chuan awlsam takin a dang a, Andriy Shevchenko hote hi 2-1 in an chak tho.

Netherlands leh Austria inkhelh ṭumin Memphis Depay-a'n minute 11-naah goal hmahruai penalty aṭangin a khung a, 2-0 in an chak zui. Inrinni zan khan Spain forward Moreno-a'n a penalty hlawhchhuah a pet a, goal ban a pet per a, Poland nen 1-1 in a inhnehtawk.