Halle Open champion Humbert

Ugo Humbert chuan Andrey Rublev lakah 6-3, 7-6(4) a hnehna changin Halle Open nomawi a chawi a, French tlangval tan ATP 500 title a lakna hmasa leh grass court chunga a hlawhtlin vawi khatna a ni bawk.

Humbert hian Wimbledon inbuatsaihna inkhelah hian a service ṭha a chhawr ṭangkai a, vawi kua ngawt aces a siam bakah a service hmasa aṭangin 85% zet point a hlawh chhuak thei a ni.

Kum 22 mi Humbert chuan, "Tennis ka khelh hun chhunga ka hun tawn ropui ber a la ni. Mite chuan hetiang chen ka thlen hi an ring phak lo ang, keimah ngei pawh ka inrin ngam loh chang a awm. Mahse, beiseina a awm chuan kawng pawh a awm ve zel," tiin a sawi.

Germany rama inelnaah hian Roger Federer leh Alexander Zverev te pawh an inlan a, mahse player langsar leh ṭha pahnih hian last 16 pawh an paltlang thei lo; a tawpah rin hlawh lo leh seeded pawh chang phak loin hlawhtlinna a chang.