Birmingham-ah Jabeur a champion

Ons Jabeur chu Arab hmeichhe zinga WTA title la hmasa ber a ni. Pathianni zana Birmingham Classic final inkhelah Jabeur hian Daria Kasatkina chu 7-5, 6-4 a hnehin hlawhtlinna a chang.

Seeded pahnihna Jabeur hian tun hmain final vawi hnih a lo lut ve tawh, mahse a chak lo ve ve; ṭum khat chu Kasatkina hi a ngam lo, tun ṭumah erawh atan hun ṭha a inher chhuak ve ta.

World number 24 hian tun hma lama a tih theih ngai loh grass court-ah hlawhtlinna a chang ta a, tun thla tawpa khelh tur Wimbledon atan pawh inrintawkna a neih san phah ngei ang.

Season kal laiah Jabeur hi match 28 zet hnehna chang tawh, world number 1 Ashleigh Barty nen an chak zat a inang hial a ni.