Poland innghahna tur Lewandowski

Robert Lewandowski-a'n ram tana goal khung a harsat avangin sawisel a hlawh a, Spain nena an inkhelh ṭumin goal pawimawh bik khungin Poland beiseina a siamsak. Bayern Munich striker Lewy theihna chungchangah rinhlelh tur a awm lo a, amaherawhchu zanin dar 9:30-a Sweden an hneh theih chuan a ropuina hi belhchhahin a awm ang.

Sweden tlarhnungah Victor Lindelof leh Marcus Danielson te an awm a, tun ṭum inelnaah goal an la chhuah loh bakah match hnuhnung pasarihah hneh loh an tawng tawh lo. Tlarhma lamah Alexander Isak an nei a, kum 21 mi striker hian goal khung lo mah se Spain leh Slovakia tlarhnung a chhaih buai ve ve.

Chutihrualin Sweden hian point li an hmu an tawh avangin an tling tawh a, group match hnuhnung berah hian thapui an chhuah lo thei bawk. Poland tan erawh tha thlah theih a ni lo a, last 16 an luh theih nan Robert Lewandowski-a'n mawhphurhna a lak a ṭul dawn a ni.