Shapovalov a inhnukdawk

Denis Shapovalov chuan Tokyo Olympic khel turin tling mah se a inlan theih loh tur thu a sawi, infiamna khawmpui lian a hmachhawn loh tur chhan hi hripui leng mek vang a nih thu a sawi bawk.

Canadian tlangval a inhnuhdawh hma hian, player langsar zingah Rafael Nadal leh Dominic Thiem te pawhin inelna hmachhawn tura Japan an pan loh tur thu an lo sawi tawh, player dangin an hnung an zui a nih pawhin a mak lo ang.

Kum 22 mi Shapovalov chuan, "Canada ram aiawh theitu nih chu ka duhin ka chak takzet. Mahse tuna ka dinhmun leh khawvel pum thlirin Tokyo Olympic chu ka khel ve thei dawn ta lo. Ram tan hian engtik niah emaw chuan Olympic ka khelh theih ka beisei," a ti.

Season hmasa US Open-ah khan Shapovalov hian quarterfinal a lut. Kuminah Geneva Open-ah final lutin a chak lo a, a dar (shoulder) hliam zuiin French Open pawh a khel thei lo.

Tunah hian Wimble-don khel turin a inbuatsaih mek a, grass court inelna tenau Queen's Club-ah inlanin semifinal a paltlang zo lo a ni.