A vawi khat nan last 16-ah Austria

Austria chuan an ram chanchina a vawi khat nan Euro last 16 an lut a, a thiam 16 zinga tel tur hian Thawhṭanni zan khan Ukraine chu 1-0 in an hneh.

Christoph Baum-gartner chuan minute 21-naah inkhela goal awmchhun hi a khung a, Michael Ballack nena an khaikhin ṭhin player hi hliam vanga lakchhuah a ngai thung.

Hoffenheim midfielder hian goal-a khung hma hian a lu-ah hliam a tuar a, khelh chhunzawm tir a ni. Mahse, goal a khung aṭanga minute 12 hnuah a khel chhunzawm thei lo a, an la chhuak.

Ukraine-in beisei an phak lo a, Marko Arnautovic ke hmui ngat se Austria hi goal tam zawk khung thei an ni - Shanghai Port striker hian khung ngeina tur nia ngaihah first half hma lawkin a khung lo.

Austria hian chawlh-lawk hman a nih hmain vawi 13 shot an nei hman a, tun inelnaa chawlhlawk hmaa shot neih ngah lamah Italy (14 vs Turkey) chiah an phak lo - David Alaba a langsar viau bawk.

Florian Grillitsch hming lam hmaih a thiang lo a, Hoffenheim defensive midfielder hi Austria tan a khel ṭha tluan chhuak zak a, a hmuhnawm hle.

Ukraine-in an tlawm avangin last 16 beisei a harsa a, point thum an neih sa avangin pathumna ti ṭha pali zinga tel beisei chungin group dang result an ngaichang ang.