Hliam vangin Thiem inkhel tluan thei lo

Wimbledon inbuat-saihna tournament zinga pakhat Mallorca Open-ah Dominic Thiem chu hliam vangin a inkhel tluan thei lo a, world number 2 Daniil Medvedev erawhin quarterfinal a inhlangkai.

Thawhlehni zan inkhelah Thiem hi Adrian Mannarino nen an inhmachhawn a, set hmasa berah 5-2 in hma hruai fal mah se a ban rek a hliam, inkhelh laklawh laiin enkawl niin chhunzawm theih beisei mah se a inlan zui thei ta lo.

Australian tlangval hian kum hnih a liam hnuah grass court inelna a hmachhawn ve leh chiah a, tun thla tawpa khelh tur Wimbledon a tan pawh a dinhmun a chiang lo chhunzawm nghal ang.

Tokyo Olympic aṭang pawhin Thiem hi a inhnukdawk tawh a, atan season duhawm a ni lo. Australian Open leh French Open-ah beisei a phak lo, tuna a lan dan chuan September thla a khelh tur US Open lam a thlir mai a ngai tawhin a rinawm.

Inkhel dangah Medv-edev erawhin Corentin Moutet chu 6-4, 6-2 in a hneh a, Russian tlangval hian hnehna chang turin harsatna a nei lo. Seeded pakhatna hian a match lehpekah chuan Casper Ruud a hmachhawn leh ang.