Yastremska hremna an hlip

Damdawi hman phal loh a hmang tia puh Dayana Yastremska chu a hremna an hlihsak a, an chhui chian hnuah damdawi a hmang lo tih an hriat avangin tennis inelna pangngai a hmachhawn zui leh thei ang.

Janaury thla khan Yastremska hi inelna hmachhawn dawnah hrem a nih thu an hrilh, an hrem chhan hi nikum November thla khan endikna a paltlang zawh lo vang niin an sawi.

Mahse, International Tennis Federation (ITF) hnuaia damdawi hman phal loh chungchang zirchiangtuten an chhui chiang a, thihsual a neih loh bakah inthlahdah vanga dan bawhchhia ni loin, thil tihsual palh vang zawk a ni tih an hmu chhuak.

Kum 21 mi Yastremska chuan, "Thiam lohna ka nei lo tih an hmuchhuak hi ka lawm takzet. Tun hnai thla ruk chhung kha chuan mi sawiselna leh zahna tinreng ka hmachhawn a, tunah chuan dikna a lo lang," tiin a sawi.