Olympic-ah Alves inlan dawn

Tokyo Olympic-a Brazil football team coach Andre Jardine-a'n a player hruai tur a ti chiang a, kum 23 hnuai lam zinga senior player hruai theih pathum zingah Dani Alves, Diego Carlos leh Santos te an tel.

Brazil hian Rio Olynpic-ah khan anmahni ramah ngei Neymar hoin Olympic gold medal an la, kuminah hian an medal neih lai humhim ngei an tum dawn a, an champion ṭuma player pawimawh Neymar erawh a tel dawn tawh lo.

Olympic-ah hian mipa football team 16 an inlan thei dawn. Football bik hi July 23 aṭangin inelna an nei ṭan dawn a, inlan tur zinga hian Argentina, Brazil, France, Germany leh Spain te an tel avangin ngaihven a hlawh dawn.

Brazil Squad
Goalkeepers Santos, Brenno.
Defenders Dani Alves, Gabriel Menino, Guilherme Arana, Gabriel Guimaraes, Nino, Diego Carlos.
Midfielders Douglas Luiz, Bruno Guimaraes, Gerson, Claudinho, Matheus Henrique.
Forwards Matheus Cunha, Malcolm, Antony, Paulinho, Pedro.