Malsawma Memorial Futsal Zaninah final khel tur a hriat dawn

Zanin hian Malsawma's Yard, Leitan-ah Lalmalsawma Memorial Futsal MFA Inter Village Futsal Tournament 2020 semifinal second leg khelh a ni dawn. Zanin dar 7:30-ah Chhinga Veng B leh Dinthar B an inhmachhawn ang a, zan dar 8:45-ah Republic Veng B leh Zonuam te an inkhel chhunzawm ang.

Nizan khan first leg khelh a ni a, tute pawh chak se zanin hian a la inlehthal theih. Champion rinkai Chhinga Veng hian harsatna nei loin Armed Veng South an hneh a, Dinthar B-in team ṭha Ramhlun South A an hneh avangin eng result pawh thleng thei a ni.

Futsal-ah Zonuam dah hniam theih an ni lo a, Republic Veng A team chauh ni loin Chanmari leh Dinthar A an hneh. Chutihrualin Republic Veng B team dah hniam theih an ni lo a, player hming langsar kawl loin team inlungrualna hmanga semifinal hial thleng thei an ni.

Semifinal 2nd Leg - Zanin

Chhinga Veng B    7:30 PM    Dinthar B

Republic Veng B    8:45 PM    Zonuam

Quarterfinal - March 10, Thawhlehni

Dinthar A    3 - 5    Zonuam

DIN : Hualsangzuala 31' 39'; George MS Dawnga 32'

ZON : Lalnuntluanga 8'; Lalrintluanga 18' 30' 38'; Lalhruaizela 27'

Republic Veng B    5 - 4    Sihphir Venghlun A

REP : Aron Vanlalrinchhana 20', 28', 36'; Malsawmdawngliana 24', 46'

SIH : JH Lianzuala 15'; PC Lalruatfela 18', 36'; PC Lalruatsanga 20'

Ramhlun South A    5 - 6    Dinthar B

RAM : Lalremruata 6', 8', 20'; Samuel K. Vanlalpeka 14'; Lalhmachhuana 23'

DIN : Samuel Laltlanthanga 3'; Lalawmpuia Sailo 17', 23', 39'; Ayush Dec Chhetri 37'; Lalmawizuala 27' (OG)

Chhinga Veng B    4 - 2    Armed Veng South B

CHH : Lalremruata Ralte 1'; R. Ramdinthara 10' 12'; F. Lalnuntluanga 33'

AVS : John Malsawmtluanga 18'; Lalmawizuala Colney 40'