Match thum chak zawn Brazil

Copa America 2021 khelh laiah Brazil chu an la chak fai vek. Tite naute hian nimin zing khan Colombia 2-1 in an hneh a, group match vawi thum khelh tawhah chak vekin point kua an hmu.

Group B-ah Brazil hian khelh hmabak pakhat la nei mah se a chung berah an awm chiang tawh a, chak lo mah se Colombia pawhin match li aṭanga point li an hmuh avangin quarterfinal an lut chiang ve bawk.

Nimin zing Rio de Janeiro-a inkhelah Colombia tan Luis Diaz-a'n minute 10-na lekah goal hmahruai a khung. Juventus midfielder Juan Cuadrado-a cross chu Diaz hian boruaka invawrh chungin mawi lutukin a bin (volley) lut.

Brazil lamin ball chang tamin inkhel thunun mah se goal erawh an nei thei mai lo. Neymar-a'n keeper thlengin paltlang hman mah se goal ban a tih per a, goal an khung dawn lo nia a lan hnuah Roberto Firmino a rawn inlar.

Liverpool forward hian defender Renan Lodi-a cross a tauh lut a, keeper David Ospina-a'n a zawn taka ball kal chu holam takin a chhuah. Brazil lamin an la duhtawk mai lo, hun pek belh tawp hma chiahin Casemiro chuan Neymar-a corner per a tauh lut.

Group B inkhel dangah Ecuador leh Peru te 2-2 in an inhnehtawk a, ram pahnih hian point hnih neiin group match khelh hmabak pakhat ve ve an la nei, knock out round lut turin beiseina an la nei sang.

Results & Fixtures
Ecuador 2 - 2 Peru
ECU: Renato Tapia 23' (OG); Ayrton Preciado 54+3'
PER: Gianluca Lapadula 49'; Andre Carrillo 45'

Brazil 2 - 1 Colombia
BRA: Roberto Fermino 78'; Casemito 90+10'
COL: Luis Diaz 10'