Sancho man atan £72.6m

Manchester United chuan an player duh Jadon Sancho lakluh an la tum zel a, pound maktaduai 72.6 hum chungin Borussia Dortmund an dawr a, club pahnih hian inremna erawh an la nei thei lo.

Nikum nipui bazar aṭang khan Man United hian nasa takin Sancho hi an hel tawh a, an hlawhchhawn. Kuminah an dawr nawn leh a, an dilna hmasa hnawlsak ni mah se a vawi hnih nan sum tam zawk nen German club an dawr leh a ni.

Kum 21 mi Sancho hian Dortmund tan season hnih daih contract a la nei, English forward hian United zawm a hreh lo nia sawi a ni a, mimal chuan inremna pawh an nei thei niin an sawi.

Khawtlang media lamin an tarlan dan chuan Sancho hian United-ah hian kar khatah £350,000 a hlawh dawn tih thlengin an tarlang ngam a, mahse club pahnih inbiakna erawh a hmawr bawk theih a la ni lo.

Manchester City aṭanga inzir chhuak Sancho hian Dortmund tan match 137 a khelh aṭangin goal 50 a khung tawh a, goal a khung theih bakah assist a nei thei hle, goal 109 zetah a inrawlh tawh.