World Test Championship-ah New Zealand an champion

ICC World Test Cham-pionship final hmasa berah New Zealand-in India wicket riata hnehin an champion. Final hi Southampton-ah khelh a ni a, Test match match hi ni nga chhung khelh ṭhin ni mah se ruahsur vangin ni ruk khelh a ni a, ni ruknaah Kiwis hian hnehna an chang.

Ṭhumvawrah New Zealand an vannei a, vawm hmasak an thlang. India-in first innings-ah run 217 chauh an siam a, Ajinkya Rahane leh Virat Kohli ten run 49 leh 44 an siam zarah Men in Blue an mualpho lo.

New Zealand an che ṭha bik lo a, Devon Conway (54) leh captain Kane Williamson (49) te hmangin run 249 an siam. Final hi match khat chauh khelh tur a nih avangin an inhnehtawk a rinawm ta zawk.

Ni tawpna berah India-in 64/2 an chhunzawm a, Kyle Jamieson-a'n India captain Kohli leh Cheteshwar Pujara ten run 20 an siam hmain a vawm hlum. Kiwis bowler an che ṭha a, Men in Blue hi run 170-ah an vawm hlum vek.

New Zealand tan run 139 chauh target a ni a, opener pahnih Tom Lantham (9) leh Devon Conway (19) ten run siam tam lo mah se Williamson leh Ross Taylor ten run 52 leh 47 siamin Kiwis an chakpui.

Williamson leh a hote hian ball 43 dah bangin hnehna an chang a, World Test Championship final hmasa berah an champion.

WTC Final - Thlirna Tawi
New Zealand bt India
New Zealand wicket 8-in an chak
Venue : Ageas Bowl, Southampton

First Innings
India 217
Ajinkya Rahane 49 (117)
Virat Kohli 44 (132)

Kyle Jamieson 31/5
Neil Wagner 40/2

New Zealand 249
Devon Conway 54 (153)
Kane Williamson 49 (177)

Mohammed Shami 76/4
Ishant Sharma 48/3

Second Innings
India 170
Rishabh Pant 41 (88)
Rohit Sharma 30 (81)

Tim Southee 48/4
Trent Boult 39/3

New Zealand 140/2
Kane Williamson 52* (89)
Ross Taylor 47* (100)

R. Ashwin 17/2
Ishant Sharma 21/0