England-in Sri Lanka an sawp

England-in Sri Lanka nen T20 match thum an khelhah hnehna an chang vek a, 3-0 in series an la. June 26, Inrinni khan match thumna hi Ageas Bowl-ah khelh a ni a, England-in run 89-in hnehna an chang.

Ṭhumvawrah Sri Lanka an vannei a, vawm hmasak an thlang. England tan opener pahnih Jonny Bairstow leh Dawid Malan te an che ṭha a, run 56 leh 76 an siam. An pahnih inkawp ringawt hian run over 11.4 lekah run 105 an siam hman a, an dinhmun a ṭha hle.

Over 20-ah England hian run 180/6 an siam a, target ṭha tak an chhawp. Sri Lanka bat hun an thleng a, England bowler David Willey-a'n run 27 pein wicket thum a lak bakah Sam Curran-a'n run 14 chauh pein wicket hnih a la bawk.

Mikhual lam hian over 18.5-ah run 91 chauh an siam a, an thi fai vek. Run siam tam ber Binura Fernando-a'n run 20 chauh a siam a, chak phu zawk England-in hnehna an chang. June 29, Thawhlehni aṭangin England leh Sri Lanka ten ODI match thum an khelh tura hmasa ber an khel leh ang.