Tierney-a'n contract pawtsei

Arsenal defender Kieran Tierney chuan contract thar a ziak, club nena an inremna hi engtik thlenga rei nge tih chiang taka tarlan ni lo mah se hun rei tak chhung a nih thu North London club hian an puang.

Kum 24 mi Tierney hian 2019 nipui lai khan Gunners hi pound maktaduai 25-in a zawm a, hliam nei zeuh zeuh mah se coach Mikel Areta-a'n a chhawr duh zawng a ni a, a dam a nih chuan thlan zingah a tel ṭhin.

Scotland international defender Tierney chuan, "Ka season hman hmasak zawkah khan hliam leh hri leng vangin buaina ka nei a, season hnuhnung zawkah erawh nuamti takin ka inkhel thei tawh.

"Club lamin ka contract pawhsei an duh thu min hrilh khan ka lawm hle," a ti a, coach Arteta chuan a player pawimawh takin contract a ziak thar chu a lawm thu a lo sawi ve bawk.