Tun aia ṭha zawk kan la ni thei - Solskjaer

Manchester United manager Ole Gunnar Solskjaer chun tun hnaia a naute hmasawnna chu lawmawm a tih thu a sawi a, chutih rualin tun aia hmasawn leh zel thei an la nih thu a sawi.

Man United hian zanin dar 11:25 hian Austrian club LASK chu Europa League last 16 first leg khel turin an lenchilh dawn, club sulhnu leh player neih dan thlir chuan English club hi hnehna chang tura ngaih an ni. Portugal international Bruno Fernandes an neih hnuah an boruak a ṭha thar, an match hnuhnung berah an hmelma Manchester City 2-0 a an hneh theih avangin an phur lai tak a ni a, inrintawkna sang tak nen Linzer Stadion an pan dawn tih a chiang.

Kum 47 mi Solskjaer chuan, "Manchester United kan ni a, hmasawn zel turin kawng dik kan zawk mek zel," tiin City an hneh hnuah a sawi. European football lamah an boruak ṭha an chhawm thei dawn em tih chu fiah a ni dawn.

United leh LASK te hi an vawi khat intawnna tur a ni, Austrian club hian English team an hmachhawnna hmasa ber tur a ni bawk.

Zanin Inkhel Tur

Istanbul Basaksehir    11:25 PM    Copenhagen

Sevilla    11:25 PM    Roma

Eintracht Frankfurt    11:25 PM    Basel

LASK    11:25 PM    Manchester United

Olympiakos    01:30 AM    Wolves

Rangers    01:30 AM    Bayer Leverkusen

Wolfsburg    01:30 AM    Shakhtar Donetsk

Inter Milan    01:30 AM    Getafe