Quartararo-a'n hmahruaina sawh nghet

MotoGP championship hmahruaitu Fabio Quartararo chuan Dutch Grand Prix-ah hnehna a chang a, table chung bera a awmna chu a sawh nghet a; point 34 a sang falin nomawi chawi a tumna lamah kawng dik a zawh zel.

Pathianni tlai intlansiakah Quartararo hian bul a ṭan ṭha hle, a hmasa ber aṭanga tlan Maverick Vinales a tlan pel a, harsatna lian tham tawk loin tun season chhunga a vawi li nan hnehna a chang.

Champion lai Joan Mir chu pathumna niin dawhsan lawn phak chinah a thleng a, Suzuki rider hian championship table-ah palina dinhmun a luah - nomawi kawl lai humhim harsa dawn mah se beisei bo erawh a la ni lo.

Yamaha rider Quartararo chuan, "Inelna neih hmain ka ban dinglam ka ti na deuh a, harsatna min siamsak. Qualifying lamah Maverick nen kan inel na hle a, intlansiak takah pawh na takin kan inum, hetiangah chuan a vannei zawk nih hi a lawmawm zual," tiin a sawi.

German GP lama hnehna changtu Marc Marquez pawhin hma a sawn zel. Honda rider hi Assen-ah hian pasarihnaah a thleng a, season kal laiah point 50 khawl tawhin championship table lamah pawh a sang zual 10 zingah a tel phak leh ta.

Bike intlansiakna sang ber MotoGP hi August 8-ah an khel chhunzawm leh dawn, Red Bull Ring, Spielberg-ah Styrian GP an tlan dawn, tlankawng ngaiah hian Austrian GP an tlan leh bawk ang.