Olympic khel lo tur Halep

Simona Halep chuan a chawn hliam a la dam loh avangin Tokyo Olympic a khelh theih loh tur thu a sawi a, infiamna khawmpui lian aṭang hian a inhnukdawk chhunzawm nghal bawk.

May thla khan Halep hi Rome Open-ah a inlan a, clay court inelnaah hian hliam tuarin French Open pawh a khel lo. Wimbledon aṭangin a inhnukdawk chhunzawm, tunah chuan September thla a khelh tur US Open a beisei tawh ang.

Romanian nula Halep chuan, "Ram tana Olympic khelh aia hlu leh nuam hi a awm theih tawh chuang lo ang. Kuminah erawh vanduai thlak takin ka khel thei dawn lo. Olympic aṭanga inhnuhdawh a ngaih thu sawi hi a hrehawm hle," tiin a sawi.

Halep hma hian tennis player langsar dang - Rafael Nadal, Dominic Thiem leh Serena Williams te pawhin an inlan loh tur thu an sawi chiang tawh a, player dang an inhnukdawk zui a nih pawhin a mak lo ang.