Crystal Palace enkawl tur Vieira

Crystal Palace leh Patrick Vieira ten a thuphungin inremna an nei a, a hun laia midfielder ṭha bik Arsenal legend hian Premier League club a enkawl hi a beiseiawm hle.

Palace hian Lucien Favre an beisei a, Borussia Dortmund hlui hian Eagles zawm a tum tak loh avangin Arsenal captain hluiah an ṭuan a, inremna thuthlung chu la ziak lo mah se Vieira hi an chan a rinawm.

Season liam ta khan Palace hi Roy Hodgson-a'n a enkawl a, 14-naah an awm. Kum 73 mi Hodgson hian a chawlh thu a puan tak avangin Premier League club hian manager thar an ruat a ṭul.

Kum 45 mi Vieira-a'n football khelh a chawlhsan hnuin MLS club New York City FC leh Ligue 1 club Nice te a enkawl a, tunah hian club enkawl lai a nei lo.