Everton boss thar tur Benitez

Liverpool hmelma Everton chuan Reds coach hlui Rafael Benitez chu an coach thar atan an puang hnai niin khawthlang media-ten an tarlang a, he thuziak i chhiar meuh chuan an puang fel tawh hial mai thei.

Kum 61 mi Benitez hian kum thum cham turin Everton-ah hian contract a ziak dawn nia sawi a ni a, Real Madrid lama kal ta Carlo Ancelotti hmun ruak a luah dawn a ni.

Benitez hian Everton neitu Farhad Moshiri nen rei tak chu inbiakna an kalpui tawh a, British-Iranian sumdawng hausa Moshiri hi a hmin hneh tawh hle niin an sawi.

Wolves boss hlui Nuno Espirito Santo chu Merseyside club enkawl tur hian sawi rik zingah a tel a, mahse, Benitez a rawn lan takah chuan Portuguese manager hi a lang ta niin a lang.

Benitez hian Liverpool-a kum ruk hun a hman chhungin Champions League leh FA Cup nomawi a chawi a, Everton fans zingah Spanish manager duhtu leh duh lotu an inbuk tawk hle.