Fiorentina coach thar Italiano

Italian club Fiorentina chuan season thara an coach turin Vincenzo Italiano an lalut tih an puang, season hnih chhung atan contract ziakin a hlawh zat tur erawh tarlan a ni lo thung.

Tun nipui tirah khan Fiorentina hian an manager atan Gennaro Gattuso an lalut, mahse ni 22 hnu lekah Gattuso hi a chhuak. Gattuso chhuah chhan hi club lamin puang lo mah se Italian media chuan bazar a duh dan leh club ngaihdan a inmil lo niin an sawi.

Fiorentina chuan thuchhuah siamin, "Club chhungah Italiano kan lo lawm a che. Coach thar hian karlehah media a hmachhawn ang," tiin an ziak.

Italiano hian season hmasa khan a vawi khat nan Serei A team a enkawl, kai thar Spezia kaihruaiin table-ah 15-na dinhmun an luah.