Kroos-a'n a chawlh thu a puang

Zirtawpni zan khan Toni Kroos chuan Germany tana inkhelh a chawlhsan thu a puang a, kum 31 mi midfielder hian Die Mannschaft tan match 106 a khel a ni.

World Cup 2014 champion team zinga mi Kroos chuan, "Germany tan match 106 ka khel a, ka inlan belh tawh dawn lo. Match 109 khelh a, European Championship nomawi chawi ka beisei a, chumi tur chuan theihtawp chhuah mah ila a tawk lo. Euro 2020 hi ka tawpna ni turin thutlukna ka siamna a rei tawh a, Qatar 2022-ah inlan ka tum tawh lo a ni," tiin a sawi.

Kroos hian Real Madrid tana theihtawp a chhuah zui tur thu a sawi a, ram tana khelhna hun ṭha petu Joachim Low chungah lawmthu a sawi bawk.

Germany-in Euro 2020 last 16-ah England an hneh lo a, Joachim Low hun zoin Bayern Munich manager hlui Hansi Flick-a'n a thlak dawn.