Muguruza tan Sydney wildcard

World number 2 Garbine Muguruza chuan Sydney International khel turin wildcard a hmu a, Spanish nula hian Australian Open inbuatsaih nan a hmang ang.

Wimbledon champion hi kartir lam khan Brisbane International-ah a inlan a, Serbian nula Aleksandra Krunic nen second round an khelh laiin a hliam a, a inhnukdawk zui bawk.

Kum 24 mi Muguruza chuan, "Wildcard ka hmu thei hi ka vannei hle, court chhunga inlan theihna hun ka neih leh hi a ṭha thei ang bera hman ka tum ang," a ti.

Muguruza hian Sydney-ah player langsar an inlan dawn avangin a awlsam loh tur thu a sawi a. Kuminah hian Grand Slam nomawi chawi tawh vek Venus Williams, Petra Kvitova leh Angelique Kerber te pawh an inlan dawn a ni.