PV Sindhu a chak lo

Nilaini zan Vodafone Premier Badminton League inkhelah world championship leh Olympic silver medallist PV Sindhu chu Sung Ji Hyun hmaah 11-15, 15-13, 15-14 in a tlawm a, Delhi Dashers chuan Chennai Smashers lakah 3-0 in hnehna an chang.

Delhi Dashers hian match li khelh tawhah point 11 hmuin table-ah palina an ni a, an chunga awm Ahmedabad Smash Masters leh Bengaluru Blasters te nen an point a inzat, hmahruaitu Awadhe Warriors chuan point 12 an hmu tawh thung.

PBL-ah hian team pariat an inel a, an inkhelh kual hnuah a sang paliin semifinal an khel ang. Chennai Smashers hian match thum khelh tawhah point sarih chiah an la hmu a, a hniam ber dawt an ni.

January 6 zanah Ahmedabad Smash Masters an hmachhawn leh dawn. Delhi Dashers hian Janaury 10 zanah North Eastern Warriors an tum ve leh bawk dawn a ni.