Champion lai Serena inhnukdawk
Australian Open hmeichhe singles champion lai Serena Williams chu kuminah a inlan thei dawn lo. World number 1 hlui hian fa a neih hnuah inkhel leh thei tawh mah se chawlh a la mamawh thu a sawi chhuak.
Kum 36 mi Serena hian season hmasa khan a fa hmasa ber pai chungin Australian Open nomawi hi a chawi! September thla khan fa neiin, kar hmasa khan fa a neih hnua a match hmasa ber a khel leh thei tawh.
Grand Slam vawi 23 champion tawh Serena chuan, "Ka inpeih teuh tawh hle, ka inkhel thei tawh a, mahse duhthusam ni tur chuan hun ka la mamawh deuh a ni," tiin a sawi a, inbuatsaihna ṭha neih chauhin tournament hmachhawn a duh thu a sawi lang tel bawk. Australian Open tournament director Craig Tiley chuan, "Serena nen hian inbiakna kan nei reng a, hun tepter tawh takah khan he thutlukna hi siam a ṭul ta a ni," a ti.
Hard court inelna lian hi Janaury 15- 28 chhungin Melbourne Park-ah khelh tur a ni. Mipa singles lamah pawh Grand Slam vawi thum champion tawh Andy Murray chu a khel bawr na a dam chian theih loh avangin a lo inhnukdawk tawh bawk.