Halep-i'n final a lut

Australian Open in­buat­saihna zinga tour­nament pakhat Shenzen Open khelh mekah nimin khan Simona Halep chuan final a lut. Romanian nula hian seeded palina Irina-Camelia Begu chu 6-1, 6-4 in a hneh.

Seeded pakhatna Halep hian singles bikah amah khing zotu a la tawng lo, match li a khelh tawhah set khat chiah a la hloh a, a match hnuhnung pahnihah set a hloh miah lo.

World number 1 Halep hian Grand Slam nomawi a la chawi lo a, French Open final vawi hnih khel tawhin a chak lo zawkah a ṭang. Halep hian kuminah a tan hun ṭha a inherchhuah ve tawh ngei a beisei thu a sawi.

Nimin tlai khan Maria Sharapova leh see­ded parukna Katerina Si­niakova te chuan semi­final hnuhnung zawk an khel a, he thu buatsaih lai hian result kan hre hman lo - a chak zawk hian final-ah Halep an hmachhawn ang.