Tiger Woods a inkhel zel dawn

Tiger Woods chuan a hliam a dam hnuah tournament khelh chhunzawm zel a tum. American golfer hi tun thla tawpa khelh tur Farmers Insurance Open-ah a inlan leh dawn a ni.

Major tournament vawi 14 cham­pion tawh Woods hi April thla khan a hnungzâng na zai a ni a, thla 10 deuhthaw a chawlh hnuah tun hnaiah a rawn kir ve leh chiah.

Kum 42 mi Woods chuan, "Hma­sawn zel ka duh a, hriselna ṭha tak neia thawhrim chhunzawm zel ka duhin ka beisei," a ti. Wood hian thla hmasa khan tun season chu ṭha taka a tam thei ang ber khelh theih a beisei thu a lo sawi tawh bawk.